Нарăс уйăхĕн 6-мĕшĕнче Трак вăтам шкулĕнче районти «Туслăх хĕлхемĕ» фестиваль иртрĕ. Унта   1-4 класс ачисем 5 номинацире:

ü  «Чăваш апачĕ»

ü  «Чăваш ташши»

ü  «Чăваш юрри»

ü  «Чăваш вăййи»

ü  «Сăмах илемĕ»

тупăшрĕç. Пирĕн шкултан 4-мĕш класс ачисем активлă хутшăнчĕç, 3 номинацире хăйсен пултарулăхне кăтартрĕç. Филиппова Виктория чăкăт епле пĕçермеллине ансат та илемлĕ чĕлхепе каласа пачĕ. Васильев Евгений вăйă выляма вĕрентрĕ. Яковлев Александр, Павлова Анастасия юптарусем чăвашла пăхмасăр вуларĕç, куракансен кăмăлне тыткăнларĕç. 3-мĕш класра вĕренекен Алемесова Злата вара «Чее тилĕ» юмах каласа 1-мĕш вырăн йышăнчĕ, çĕнтерÿçĕ пулса тăчĕ, Пикшик шкул чысне республикăра хÿтĕлеме тивĕç пулчĕ.