Ака уйăхĕн 24-мĕшĕнче Красноармейски районĕн краеведени музейĕнче И.Я.Яковлев çуралнăранпа 170 çул çитнине халалласа "Туслăх кăшăлĕ" уяв иртрĕ. Уявра "Аслă вĕрентекен" сăвă çыракансен конкурс тата "Ырă çын пулар" сочинени çĕнтерÿçисене чысларĕç. Шел пулин те, пикшиксем кăçал хутшăнайман асăннă конкурссене. Çĕнтерÿçĕсене чысланине курсан хăшĕ-пĕри чавсине çыртрĕ-çыртрах паллах. Трак вăтам шкулĕн вĕренекенĕсем Иван Яковлев калавĕсем тăрăх хатĕрленĕ инсценировкăсене курса чунĕсене лăплантарчĕç пулинех.  Г.Тусли Пикшик вăтам шкул ачисен (О.Гусевăн, И.Павловăн, Н.Архиповăн) хайлавĕсене республикăра тухнă "Хуначи" кĕнекере вуласа савăннине пĕлтерни чун йăпатмăшĕ пулчĕ.   Уявра пулни малашне çитĕнÿ тума хавхалантарчĕ паллах.